«Չելսին» պատրաստ է հրաժեշտ տալ Լուկակուին

«Չելսին» պատրաստ է վաճառել թիմի հարձակվող Ռոմելու Լուկակուի տրանսֆերային իրավունքները՝ հաղորդում է El Nacional-ը։

Ըստ աղբյուրի՝ ակումբի սեփականատեր Ռոման Աբրամովիչը դժգոհ է ֆուտբոլիստի վերջին հարցազրույցից, որտեղ նա դժգոհություն էր հայտնել թիմում ստեղծված իրավիճակից ու ցանկություն հայտնել «Ինտեր» վերադառնալ։ Բելգիացին արդեն ներողություն է խնդրել, բայց Աբրամովիչը դիտարկում է նրա տրանսֆերը վաճառելու տարբերակը։

Ֆուտբոլիստով ՊՍժ-ն է հետաքրքրված։ Ըստ աղբյուրի՝ փարիզյան ակումբը պատրաստ է նրա դիմաց 90 մլն եվրո վճարել։ 28-ամյա ֆուտբոլիստն ընթացիկ մրցաշրջանում «Չելսիի» կազմում անցկացրած 20 խաղում դարձել է 8 գոլի ու 2 գոլային փոխանցման հեղինակ։

Միացի՛ր հայկական ամենասպորտային Instagram-ին: