Դեկտեմբերի ամենասպասված պրեմիերաները [5 սերիալ]

Այս դեկտեմբերը հարուստ է երկար սպասված սերիալներով և սիրված սերիալների նոր եթերաշրջաններով: Բացի ամսվա գլխավոր պրեմիերայից (Sex and the City-ի շարունակությունը), այս ամիս սպասում ենք մինի-սերիալի՝ Օլիվիա Քոլմանի և Դեյվիդ Թեուլիսի մասնակցությամբ. հետապոկալիպտիկ շոու վիրուսի մասին, որը ոչնչացրել է աշխարհի բնակչության կեսը, ինչպես նաև վավերագրական ֆիլմ Դեյվիդ Ֆինչերից և մի շարք այլ պրեմիերաներ, որոնց անպայման կանդրադառնանք մեր մոտակա հոդվածներով: Իսկ այսօր առանձնացրել ենք 5 սերիալ, որոնց նոր երթերաշրջանների պրեմիերաները կկայանան այս ամսվա ընթացքում:

Հենց այնպես / And Just Like That

10 դեկտեմբերի, HBO Max

Կինոարդյունաբերությունն այս տարի հիշեցնում է անցյալի ուրվականի. հետաքրքիր է, որ 1990-2000-ականների ամենահայտնի այս սերիալի վերածնունդը արևմտյան մամուլում կոչվում է հենց «վերածնունդ»: Այս մասին շատ է գրել մշակութաբան Մարկ Ֆիշերը, որը կարծում էր, որ ժամանակակից ստեղծագործական արդյունաբերությունները չեն կարող նոր պատմություններ ստեղծել, և, հետևաբար, վերադառնում են անցյալի ծանոթ սյուժեներին:

Սյուժեի մասին շատ բան հայտնի չէ. Քերին, Շառլոտան և Միրանդան կրկին միասին են (Սամանթան տեղափոխվեց Լոնդոն. մանրամասները՝ այստեղ): Իսկ թե ինչ սյուժետային զարգացումներ են սպասվում երկրպագուներին, կիմանանք շատ շուտով՝ դեկտեմբերի 10-ին:

Կախարդը /  The Witcher

17 դեկտեմբերի Netflix

Երկրորդ եթերաշրջանը կկենտրոնանա կախարդ Գերալտի և արքայադուստր Ցիրիի միջև հարաբերությունների զարգացման վրա: Նրանք միասին գնում են մի լքված ամրոց, որտեղ «վարժեցնում են» կախարդներ, այդ դպրոցում է սովորել նաև ինքը՝ Գերալտը։ Վեսեմիրը՝ Գերալտի դաստիարակը, որը տղայի համար հայր էր եղել նաև, շատ հարցերի պատասխաններ ունի…

Բոլոր անակնկալների և հարցերի պատասխանները՝ դեկտեմբերի 17-ից: