Բենեդիկտ Քամբերբաչը և Էլիզաբեթ Մոսը նկարահանվելու են նոր ֆիլմում

Հաճելի լուր բոլորիս համար՝ Բենեդիկտ Քամբերբաչը (“Sherlock”) և Էլիզաբեթ Մոսը (“The Handmaid’s Tale “) կնկարահանվեն Ջեյն Քեմփիոնի (“The Piano“, «Ոսկե արմավենի») նոր ֆիլմում:
Ֆիլմի համապրոդյուսերն է հայազգի Տանյա Սեղաթչյանը (“Zimna wojna“, “The Crown“):

Քեմփիոնը մտադրվել է էկրանավորել ամերիկացի գրող Թոմաս Սևիջի “The Power of the Dog” («Շան ուժը») ֆիլմը:
Իրադարձությունները զարգանում են երկու եղբայրների շուրջ, որոնք ունեցվածք են ժառանգում, սակայն նրանց հարաբերությունները կտրուկ վատանում են, երբ եղբայրներից մեկն (Քամբերբաչի հերոսը) ամուսնանում է իրենց հարևանուհու (Մոսի հերոսուհի) հետ:

Ֆիլմի նկարահանումները կմեկնարկեն այս տարվա վերջում, իսկ էկրաններ այն կբարձրանա ամենայն հավանականությամբ հաջորդ տարի:

«Ես անդադար մտածում էի այս պատմության մասին, այն գերել է ինձ: Այս թեման ինձ շատ է հուզում», – ասել է Քեմփիոնը:

Դե ինչ՝ մեզ մնում է համբերատար սպասել այս նոր և շատ խոստումնալից համագործակցության արդյունքին:

Աղբյուր ՝ buro247

տես նաև՝Բենեդիկտ Քամբերբաչն ասում է…

տես նաև՝ «Աղախնի պատմությունը». հակաուտոպիստական սյուժեով ազդեցիկ սերիալ