Հայուհիները օտար նկարիչների վրձնով

Հայ կինը եղել է շատ վիպագիրների ու բանաստեղծների սիրելի թեման, իսկ նրա խոնարհ գեղեցկությունը՝ հայ նկարիչների հավերժական ներշնչանքը: Սակայն համաշխարհային արվեստի պատմությունը վկայում է՝ հայ կինը հետաքրքրում է նաև օտար ստեղծագործողներին. Եսենինի «Շահանեն» վկա՜: Բացի պոեզիայից մեր գեղեցկուհիներն իրենց դիրքերն են ամրապնդել նաև գեղանկարչության էջերում:

5 կտավ, որ պատկերում են հայուհիների

Ժան Բատիստ Վանմուրը

ֆրանսիացի նկարիչը 1699թ.-ին նշանակվել է Օսմանյան կայսրությունում Ֆրանսիայի դեսպան, որտեղ էլ ծանոթացել է հայ ժողովրդի կենցաղին, սովորույթներին ու կանանց: Արդյունքում մեզ են հասել նկարչի՝ թվով 4 կտավ, որոնք պատկերում են Օսմանյան կայսրության հայկական իրականությունն ու կանանց:

«Հայկական հարսանիք», 1727-1730 թթ.

«Հայերը թղթախաղի շուրջ»

«Կար անող հայուհիները»

Ջոն Ֆրեդերիկ Լյուիս

Անգլիացի նկարիչը նույնպես անդրադարձել է հայ կնոջը, նրա «Հայուհին Կահիրեում» կտավը փոխանցում է հայ կնոջ հավաքական կերպարը: Լյուիսը պատկերել է մի կնոջ, որը պառկած է բազմոցին. նա զուսպ և մտածկոտ դեմքի արտահայտություն ունի, և ազգային մոտիվներով հագուստ է կրում:

«Հայուհին Կահիրեում», 1885թ.

Ջոն Հենրի Վան Լենեպ

Ամերիկացի նկարիչը չի սահմանափակվել մեկ-երկու կտավներով ու մի ամբողջ շարք է նվիրել հայ կանանց: Այդ թվում են «Հայ հարսնացուն», «Հայուհին տանը», «Հայ գեղջկուհին», «Հայ տիկինը տանը», «Հայ և թուրք կանայք արտասահմանում» նկարները:

«Հայուհին տանը» և «Հայ և թուրք կանայք արտասահմանում»

Ֆրեդերիկ Արթուր Բրիջման

Հայ կնոջ կերպարը արտացոլվում է Բրիջմանի «Հայուհին» գեղանկարում: Այն ստեղծվել է 1885 թվականին և պատկերում է այդ ժամանկների գեղեցկուհուն, ի դեպ, կտավը տարբերվում է նրանով, որ Բրիջմանի հերոսուհին վստահ և ազատ դիրքով պատկերված կին է, խոնարհ հայացքի փոխարեն՝ զվարթ դեմքի արտահայտությամբ:

«Հայուհին», 1885թ.

Ռալֆ Կլարկսոն

Ամերիկացի նկարիչ Ռալֆ Կլարկոսնին է պատկանում հայուհու մասնակցությամբ ամենահաջողված գեղանկարներից մեկը՝ «Նվարդ Ձերոն՝ Հայաստանի դուստրը»: 1912 թվականին ստեղծված այս նկարում Կլարկսոնը պատկերել է հայ երգչուհի Նվարդ Ձերոն Կոշկարյանին:

«Նվարդ Ձերոն՝ Հայաստանի դուստրը», 1912թ.

Շառլ Լանդել

«Հայուհի». այսպես է կոչել իր դիմանկարը ֆրանսիացի գեղանկարիչ Շառլ Լանդելը:

«Հայուհի», 1866թ.