Tate Modern. թանգարան նախկին էլեկտրակայանի շենքում - VNews

Tate Modern. թանգարան նախկին էլեկտրակայանի շենքում

9384254a - Tate Modern. թանգարան նախկին էլեկտրակայանի շենքում

Tate Modern. աշխարհի խոշորագույն ժամանակակից արվեստի թանգարանը գտնվում է Թեմզայի հարավային ափին` նախկին էլեկտրակայանի վերանորոգված շենքում: Արդյունաբերական կառույց հիշեցնող շենքն առաջին հայացքից կարող է ոչ մի կապ չունենալ պատկերասրահի, և արվեստի հետ առհասարակ: Սակայն ներս մտնելուն պես, ամեն ինչ փոխվոմ է, ներկայացված ցուցադրություններն հրաշալի կերպով միաձուլվում են «տարօրինակ» կառույցին, որի շնորհիվ թանգարանում ստեղծված մթնոլորտը բոլորովին այլ նշանակություն է ստանում: 

Ստեղծման պատմություն

Tate Modern-ի ղեկավարությունն ընտրել է Թեմզայի ափին գտնվող նախկին էլեկտրակայանը, որը չի գործում 1982 թվականից: Այն ինքնին ճարտարապետական վառ գործ էր, որը ստեղծվել է 1947-1960-ին՝ Ջայլս Գիլբերտ Սքոթը: Էլեկտրակայանի շենքում բավականին տեղ կար ժամանակավոր և մշտական ցուցադրության համար, և էլեկտրակայանի փակվելուց տարիներ անց Թեյթ թանգարանը հայտարարեց, որ կառույցը կվերածվի Թեյթ Մոդեռն թանգարանի (գոյություն ունի Թեյթ թանգարանների խումբ, որի մեջ ներառված են Tate Britain-ը, Tate Liverpool-ը, Tate St Ives-ը, Tate Online-ը, ինչպես նաև՝ Tate Modern-ը):

Շենքի վերակառումցումը տևեց 5 տարի՝ 1995-ից մինչև 2000 թվականը, որից հետո թանգարանը վերջնականապես բացեց իր դռները: Թանգարանի հանդիսավոր բացումը տեղի ունեցավ մայիսի 11-ին՝ ունենալով սպասվածից ավելի այցելուներ: Հետագայում, տեսնելով այցելուների թվի կտրուկ աճը՝ թանգարանն ընդլայնելու որոշում կայացրեց:

Հայտնի Սուիչ շենքը (The Switch House)

65 մետր բարձրություն ունեցող, 10 հարկանի այս շինությունը կառուցվել է նախկին նավթային աշտարակի փոխարեն: Նոր շենքն հասարակության համար բացվեց 2016 թվականի հունիսի 17-ին:

Աշտարակում կա 4 տեսակի ցուցասրահ, որոնք ունեն բնական լուսավորություն:


Tate Modern Switch House 27633103611 960x1185 - Tate Modern. թանգարան նախկին էլեկտրակայանի շենքում

The Switch House


Հավաքածուն

Թանգարանում պահվում է բրիտանական արվեստի ազգային հավաքածուն՝ սկսած 1500 թվականից մինչև մեր օրեր: Բրիտանական արվեստը ներկայացնող արվեստագետները, որոնք ցուցադրված են թանգարանում՝ ընտրվել են երկրի պատմության և զարգացման գործում ներդրում ունենալու շնորհիվ, այս պարագայում միայն ազգային պատկանելությունը բավարար չէ:

Պատկերասրահում ներկայացված են ժամանակակից արվեստի տարբեր ժանրերի ստեղծագործություներ, այնտեղ կհանդիպեք իմպրեսիոնիզմի, աբստրակցիոնիզմի, կուբիզմի, սյուրռեալիզմի, փոփ-արտի շատ ու շատ գործեր: Թանգարանի սրահներում կարելի է տեսնել նկարներ, քանդակներ, պաստառներ, լուսանկարներ, մուլտիմեդիա ինստալյացիաներ և արվեստի այլ ստեղծագործություններ:

Թանգարանի հայտնի ցուցանմուշերի թվում են Վասիլի Կանդինսկու, Կազիմիր Մալևիչի և Պաբլո Պիկասոյի կտավները, ինչպես նաև Կլոդ Մոնեի և Մատիսի ստեղծագործությունները, Էնդի Ուորհոլի պաստառները, դե Կիրիկոյի և Տրիստրամ Հիլերի սյուրռեալիստական աշխատանքները: Եվ դա ընդամենը մի փոքր մասն է այն ամենի, ինչը կարող է հետաքրքրել արվեստի իսկական սիրահարներին: Պատկերասրահի 3-րդ և 5-րդ հարկերում ներկայացված են մշտական ցուցադրություններ, 4-րդ հարկը ժամանակավոր ցուցադրությունների համար է, որտեղ սովորաբար ցուցադրվում են ժամանակակից արվեստագետների ստեղծագործություները, կամ հազվագյուտ արժեք ունեցող ցուցանմուշներ: Տարածքում կա նաև սրճարան և հանգստի գոտիներ:

Թանգարանի մուտքն անվճար է, բացառությամբ ժամանակավոր որոշ ցուցադրությունների:


d818660 ret start resized 1 - Tate Modern. թանգարան նախկին էլեկտրակայանի շենքում


Հետաքրքիր է

Սովորական աշխատանքներից բացի այնտեղ կգտնեք նաև հետաքրքիր և անսովոր ստեղծագործություններ՝ պատրաստված մետաղից, պլաստիկից, թաղիքից, պլաստմասսայից, ստվարաթղթից և նույնիսկ արևածաղկի սերմերից:


Հայաստանից դուրս. Վիլյամ Սարոյանի տուն-թանգարան

Վան Գոգի թանգարանն Ամստերդամում

Գտել են Հռոմեական կայսեր հսկա արձանի կորած մատը

5 երևանյան տուն-թանգարան, որ արժե այցելել

Մադամ Տյուսոյի պատմությունը…

Թանգարանային գիշեր 2019 (լուսանկարներ)

7 նոր ցուցանմուշ՝ Գյումրու Ավետիք Իսահակյանի տուն-թանգարանում

Բացառիկ ցուցադրություն Գյումրու «Մարիամ և Երանուհի Ասլամազյան քույրերի պատկերասրահում»

Ծաղկային արվեստը թանգարաններում (Լուսանկարներ)

Մատենադարանը և Հայոց ցեղասպանության թանգարանը Ասիայի լավագույն 25 թանգարանների ցանկում

TripAdvisor-ը հրապարակել է աշխարհի լավագույն թանգարանների ցանկը

Թանգարան, որտեղ ստացվում են ամենաոճային լուսանկարները

Աշխարհի ամենատարօրինակ թանգարանները

Հովհաննես Թումանյանի տուն-թանգարանի նորամուծությունները

Արի՛ գնանք թանգարաններ…

Աշխարհի ամենաշատ այցելուներ ունեցող 5 թանգարանները