Վան Գոգի կտավը գողացել են

«Independent»-ը գրում է՝ Վինսենթ Վան Գոգի «Գարնանային պարտեզ» կտավը գողացել են Նիդերլանդների Սինգեր Լարեն թանգարանից, այս մասին հայտնել է տեղի ոստիկանությունը։

Անհայտ մարդիկ սողոսկել են թանգարան կիրակի լույս երկուշաբթի գիշերը, նրանք ջարդել են ապակե դուռն, ինչից հետո աշխատել են ազդանշանները։ Թեև վրա հասած ոստիկաններին այդպես էլ չի հաջողվել գտնել հանցագործներին։ Գողացված կտավի արժեքը չեն բարձրաձայնում։ Ոստիկանությունը սկսել է հետաքննությունն ու հարցաքննել է հնարավոր վկաներին։

«Ցնցված ենք  լուրից: Հետաքննություն է ընթանում, ուստի ավել բան  չենք կարող ասել»,- ասել է թանգարանի գլխավոր տնօրեն Էվերտ վան Օսը։