«Նյուքասլը» հետաքրքրված է «Ռոմայի» կիսապաշտպանի ծառայություններով

«Ռոմայի» կիսապաշտպան Ժորդան Վերետուն հետաքրքրել է «Նյուքասլին»՝ հաղորդում է Foot Mercato-ն։

28-ամյա Վերետուն հռոմեական ակումբի կազմում հանդես է գալիս 2019 թվականից։ Ընթացիկ մրցաշրջանում ֆրանսիացի կիսապաշտպանը 24 խաղում դարձել է 4 գոլի ու 7 գոլային փոխանցման հեղինակ։

Վերետուի ներկայիս պայմանագիրն ուժի մեջ է մինչև 2024 թվականը։ Transfermarkt-ը 30 մլն եվրո է գնահատում ֆրանսիացի կիսապաշտպանի տրանսֆերային արժեքը։

«Նյուքասլը» 19 տուրերից հետո վաստակած 11 միավորով զբաղեցնում է Պրեմիեր լիգայի մրցաշարային աղյուսակի 19-րդ հորիզոնականը։

Միացի՛ր հայկական ամենասպորտային Instagram-ին: