«Ռոման» ցանկանում է վարձակալել «Բարսելոնայի» պաշտպանին

«Բարսելոնայի» ֆրանսիացի պաշտպան Սամուել Ումտիտին ձմեռային տրանսֆերային պատուհանի ժամանակ կարող է վարձավճարով տեղափոխվել «Ռոմա»։ Ժոզե Մոուրինյոյի թիմը հունվարին ցանկանում է նոր ֆուտբոլիստներով համալրվել՝ հաղորդում է El Nacional-ը։

28-ամյա Ումտիտին «Բարսելոնա» է տեղափոխվել 2016 թվականին՝ «Լիոնից»։ Ֆրանսիացի պաշտպանը չի մտնում «կապտանռնագույնների» գլխավոր մարզիչ Չավիի ծրագրերի մեջ և առաջիկայում կարող է լքել թիմը։ Ընթացիկ մրցաշրջանում ֆուտբոլիստը Իսպանիայի առաջնության 1 խաղի է մասնակցել և աչքի չի ընկել արդյունավետ գործողություններով։

Ումտիտիի պայմանագիրը ուժի մեջ է մինչև 2023 թվականը։ Transfermarkt-ը 2 մլն եվրո է գնահատում ֆուտբոլիստի տրանսֆերային արժեքը։

Ավելի վաղ հայտնի էր դարձել, որ «Ռոման» մոտ է «Արսենալի» կիսապաշտպան Էնսլի-Մեթլենդ Նայսին վարձակալելուն։

Միացի՛ր հայկական ամենասպորտային Instagram-ին: