«Ցանկանում եմ հաղթել սառույցի վրա՝ ի պատիվ իմ երկրի». Ադելիա Պետրոսյանի ելույթը (տեսանյութ)

Խաղի մանրամասները

տուր

01 Հունվար 1970 - 02:45

-

-

Կատարել Խաղադրույք

Ռուսաստանի Կրասնոյարսկ քաղաքում տեղի ունեցած գեղասահքի պատանեկան առաջնությանն Էթերի Տուտբերիձեի խմբում ելույթ է ունեցել 13-ամյա Ադելիա Պետրոսյանը:

Պետրոսյանն առաջնությունում գրավել է երկրորդ հորիզոնականը: Ազատ ծրագրի ժամանակ Ադելիան ներկայացել է Արա Գևորգյանի «Արցախ» երաժշտության ներքո:

«Ազատ ծրագրում իմ ելույթի երաժշտությունը գրել է հայ կոմպոզիտոր Արա Գևորգյանը: Հորս կողմից հայ եմ, իսկ Հայաստանը վերջերս պարտվեց պատերազմում՝ Ադրբեջանին զիջելով տարածքներ: Արցախի մեծ մասն անցավ Ադրբեջանին:

Ինձ համար շատ կարևոր է, որ սահեմ՝ իմ ժողովրդին ուրախացնելու համար: Ուզում եմ՝ Արցախը վերադարձվի Հայաստանին, այն ժողովրդին, որի արյունն է հոսում իմ երակներում:

Ցավոք, անձամբ Արցախում չեմ եղել, բայց ուզում եմ հաղթել սառույցի վրա՝ ի պատիվ իմ երկրի: Ուզում եմ՝ բոլորը տեսնեն, թե որքան լավ է բեմադրվել այս ծրագիրը, ու որքան լավ եմ սահում ես»,- ասել է Պետրոսյանը ելույթից հետո:

Միացի՛ր հայկական ամենասպորտային Instagram-ին: