Եվրոպական կենտրոնական բանկը մտադիր է փոխել եվրո թղթադրամի դիզայնը - VNews
    • Vnews Life Vnews

Եվրոպական կենտրոնական բանկը մտադիր է փոխել եվրո թղթադրամի դիզայնը

եվրո թղթադրամի դիզայն

Եվրոպական կենտրոնական բանկը նախատեսում է վերանախագծել եվրոյի թղթադրամները մինչև 2024 թվականը։ Կենտրոնական բանկը մտադիր է ստեղծել խմբեր տարբեր երկրների ներկայացուցիչներից բաղկացած՝ որոշելու, թե ինչ է պատկերվելու նոր թղթադրամների վրա: Քննարկումներից հետո բանկը կներկայացնի վերջնական որոշումը:

«Արդեն 20 տարի է թղթադրամները նույն  տեսքն ունեն: Ժամանակն է վերանայել դրանց արտաքին տեսքը, որպեսզի ավելի մոտ լինեն բոլոր տարիքի և ծագման եվրոպացիներին», – ասել է Եվրոպական կենտրոնական բանկի նախագահ Քրիստին Լագարդը:

Բանկի ներկայացուցիչը Euronews-ին հայտնել է, որ սա եվրոյի թղթադրամների առաջին ամբողջական վերանախագծումն է երկու տասնամյակների ընթացքում։

«Նախկինում Europa Series 2-ի հետ մենք թարմացրել էինք միայն դիզայնը՝ ներառելով անվտանգության մի շարք նոր և բարելավված առանձնահատկություններ, որոնք նաև կհեշտացնեն տարբերակել գոյություն ունեցող 2 շարքերը»: